ISL an khel leh dawn ta

Asian Cup khelh avanga an chawlh reng hnuin Indian Super League chu zaninah khelh ṭan a ni leh dawn ta a, dar 7:30-ah Kerala Blasters chuan ATK an mikhual ang.

Kerala Blasters hian beisei ang result an neih theih loh avangin coach David James chu a hna aṭangin a chawl a, Nelo Vingada  enkawlna hnuaiah an khel dawn. 

Kum 65 mi Vingada hi coaching khawvelah a mikhual hran lo hle, Portugal, Saudi Arabia, El Zamalek, Jordan leh FC Seoul te pawh lo enkawl tawh a ni a, Indian football-ah pawh a mikhual lo. 

ISL 2016-17 season khan North­ EastUnited a enkawl tawh a, High­landers hi pangana a nihpui. Gu­wa­­hati club hian chelh duh mah se Malaysia national team enkawl a thlang.

Mahse, Portuguese manager hian Malaysia a enkawl chhungin match sarihah vawi ruk an tlawm a, December 2017 khan a chawlhsan - team in tuai thar tum leh coach in tuai thar tum an inkawp dawn a ni a, an thlen chin hriat a chakawm tawh hle.