Man City hmaah Burnley

Manchester City chuan zanin dar 8:30 hian FA Cup fourth Round-ah Burnley an mikhual dawn a, Pep Guardiola hote hian season liam ta khan FA Cup third round-ah Clarets hi 4-1 in Etihad Stadium-ah an sawp.

Citizens hian tun kar chho khan Burton Albion nen League Cup semifinal-ah inhmachhawn mah se aggregate-ah 10-0 in an chak a, player ṭha ṭhahnem tak an awltir avangin buaina tham a tling lo. Amaherawhchu City hian Burnley zawhah Newcastle United, Arsenal, Chelsea leh Schalke te an hmachhawn lehnghal dawn avangin FA Cup-ah hian an squad ṭha ber an chhawr lo ang.

Burnley lam pawhin squad ṭha ber an chhawr ngam dawn bik lo. Manager Sean Dyche chuan, "Kan dam kim lo a, match khelh tur kan ngah bawk avangin Man City nen hian loh theih loin kan inthlak danglam a ngai dawn a ni," tiin a sawi ve bawk. Clarets kim leh City kim loah Pep-a hote hi rinkai zawk an ni a, Etihad Stadium-a kim lo ve ve inkhelah Man City chu chak zawk tura beisei an ni.