Zaninah ISL khel dawn

Indian Super League chu nizan khan khelh ṭan a ni a, Kerala Blasters-in ATK mikhualin he thu buatsaih a nih lai hian result kan hre hman lo. 

Zaninah ISL hi khelh chhunzawm tur a ni dawn a, beisei aia season hmang ṭha NorthEast United chuan dar 7:30-ah Chennaiyin FC an mikhual ang. 

Champion lai Chen­naiyin hi table mawng­phahah awmin league match 12-ah vawi khat chiah an la chak a, High­landers erawh palina ni mek­in a vawi khat nan ISL semi­final khelh an beisei mek.

Pathianni zan dar 7:30-ah hmahruaitu Benga­luru FC-in Mumbai City an lenchilh dawn. Maha­rashtra club hi pahnihna ni mekin Bangalore club an phak lohna hi match khata khel tam chungin point thum chauh a ni a, South Indian club nihrualna remchang chu tun hi a ni.