Dortmund-ah Axel Witsel a hlim

Belgium international Axel Witsel chuan nikuma Borussia Dortmund a zawm chu tifuh a intih thu a sawi a, season hman laiah Bundesliga nomawi chawi thei ngei se a duhthusam a nih thu a sawi tel bawk.

Kum 30 mi Witsel hian an match hnuhnung bera Leipzig an hnehna goal awmchhun a khung, tun dinhmunah champion lai Bayern Munich aiin point rukin an sang fal mek a, zanin dar 8:00 hian a hniam ber dawta awm Han­n­over an mikhual leh ang.

Belgium, Portugal leh Russia league pawh khel tawh Witsel chuan, "Ka tan chuan thil a kaltluang rih viau, tunah hian European club lian leh ṭha berte zinga miah ka khel mek. Team boruak leh a chhehvela thil awm zawng zawng hi a fuh vel vek.

"Club tan hian thil tum leh tih chak em em ka nei, chu chu season tawpa nomawi chawi a ni," tiin a sawi a, a champion pui thei a nih chuan 2012 hnua an league nomawi chawi lehna hmasa ber a ni ang.