Monaco-in Henry an ban?

French Ligue 1 club talbuai mek AS Monaco chuan an mahni chhandam thei tura an lakluh Thierry Henry chu an ban. French manager an ban chhan hi match 20 a kaihhruai tawh china beisei an phak loh vang a ni.

Ligue 1 club hian an manager hi an suspend tih bak chu he thu buatsaih lai hian thu chhuah an la siam lo. Mahse, chanchinthar thehdarhtu rintlak BBC chuan Henry leh Monaco hi an inṭhen fel chiang ngal niin an sawi lang a, media lian dang pawhin 'ban' a nih thu an chhuah bawk.

Arsenal striker hlui kaih-hruaina hnuaiah Monaco hian thla thum chhungin inelna hrang hrangah vawi nga bak chak an nei lo. League table-ah hniam ber dawtah an awm mek. Nimina club training chu assistant coach Franck Passi-a'n a kaihruai phawt a ni.

Monaco hian manager thar an zawng nghal a, Belgium assistant coach pawh ni tawh Henry thlak tur hian season tir lama an ban tawh Leonardo Jardim hming lamrik a ni nghal.

Portuguese manager Jardim hi tun dinhmunah Monaco-ah a la cheng reng a, 2017-a league nomawi chawipui tawh tu hi an duh loha an hnawl hnu ni mah se an ko kir leh a ni pawhin a mak lo ang.