Boro-in Mikel an lalut

Championship club Middlesbrough chuan Chelsea midfielder John Mikel Obi chu season tawp thleng an hnena khel turin a lalut a, Boro hi season thara Premier League an khelh tumna kawngah a pui dawn a ani.

Kum 31 mi midfielder hian Chinese Super League club Tianjin Teda chu tun thlaah a chhuahsan a, rei pawh a rial hmain English football-ah kirin Boro tana khel turin thutlukna a siam.

Chelsea tana season 11 a khelh chhungin Mikel hian Premier League, Champions League, Europa League, FA Cup leh League Cup no mawi te a chawi hman vek a, Boro tan chuan a tawnhriat hi a ṭangkai khawp ang.

Boro coach Tony Pulis chuan, "Mikel kan chang thei hi ka lawm a, player tawnhriat ngah leh quality sang tak a ni. Player chak reng duh mi a ni a, he hmuna kan thil tum te a hriatin kan hnena tel duh a ni," tiin a midfielder thar chungchang a sawi.