Chennaiyin chak thei lo

Asian Cup vanga chawlhlawk an hman hnuah ISL khelh ṭan a ni leh ta a, Inrinni zan khan Chennaiyin chu NorthEast United lakah 0-1 in an tlawm - Highlanders goal neihchhun hi Bar­tholomew Ogbeche-a'n mawi zeta a khung a ni. 

Chennai club tan Zotea Ralte leh Laldinliana Ren­thlei te an inlana, High­lan­ders tan Robert Lal­thla­muana leh K. Lalṭha­thanga te an inlan bawk.

Kerala Blasters leh ATK chu 1-1 in an in­hneh­tawk a, Kolkata club-in minute 85-naa Edu Garcia goal chakpui tura an inngaih hnuah defender Gerson Vieira chuan an lamah ti lutin 1-1 in an inhnehtawk a ni.

Blasters tan Lal­ruat­thara a inlan a, ATK tan Ric­ky Lallawmawma chuan inkhel bul a ṭan bawk. 

Zanin dar 7:30-ah inkhel pakhat a awm dawn a, FC Goa khelmualah Jerry Mawihmingthanga leh Malsawmzuala te khelhna Jamshedpur FC an lenglut ang.