West Indies-in test match-ah England sawp
West Indies chuan England nen test match vawi thum an khelh tura a hmasa berah 381 runs-in hnehna an chang. Test match vawi hnihna hi Sir Vivian Richards Stadium-ah January 31-February 5 chhung hian khelh leh tur a ni.
Test match hmasa ber hi Barbados-ah khelh a ni a, ṭhumvawrah WI chakin bat hmasak an thlang a, 289 runs an siam. England hian first innings-ah 246 siamin an inum tawk hle. Amaherawchhu second innings-ah Shane Dowrich-a century (116) zarah West Indies hian wicket ruk hlohin run 415 an siam a, an declare.
West Indies tan part-time off-spinner Roston Chase a che ropui a, run 60 siamtirin wicket riat zet a la a, England hi run 77-ah siam tihin an thi fai vek.