Inter Milan-ah Saints defender Cedric Soares

Premier League club Sou­thamp­ton defender Cedric Soares chuan tun season tawp thleng loan hmanga cham turin Inter Milan a zawm, Italian club hian a ngheta an lei duh a nih chuan nipui bazar hunah pound maktaduai 9.5 in an lei thei ang.

Kum 27 mi Soares hian 2015 khan Saints hi a zawm a, inelna hrang hrangah match 100 chuang khel tawhin goal hnih a khung sak tawh. Portugal international an lak takah chuan Atletico Madrid aṭanga loan hmang thoa an hawh lai Sime Vrsaljko tan khelhna hmun a tlem sawt tura ngaih a ni.

Inter hian an tlarhnung thuam chak zel an tum mek, Soares bak­ah hian Manchester United defen­der Matteo Darmian pawh an la ngaihven hle nia sawi a awm.