Monaco chak thei lo

Thierry Henry an ban hnua an match hmasa berah AS Monaco chu table mawng lama an elpui Dijon lakah 2-0 in an tlawm a, season tharah Ligue 1 an khel zui zel ang em tih chu zawhna lian tak a ni ta.

France international Henry hi kar hmasa Ningani khan ban a ni a, a hna hi thla thum bak a thawk hman lo. A hmun ruakah a hma lama an ban tawh Leonardo Jardim an lalut, mahse Portuguese manager hian Thawhlehni zana Guingamp nen an inkhelh hun aṭang chauhin a enkawl ṭan ang.

League match 22 an khelh tawhah Monaco hian point 15 chauh an la nei a, a hniam ber dawt niin an hnuaia awm Guingamp aiin point khat chauhin an sang zawk a ni.