Napoli tan beisei a bo?

Inrinnni zan Serei A inkhelah Napoli chu AC Milan nen goal awm loin an inhnehtawk a, 1990 hnua a vawi khat nana league nomawi chawi tum Napoli tan an chunga awm Juventus umphak a harsa tawh dawn.

Italian manager Carlo Ancelotti naute hi champion lai Juventus aiin point riatin an hniam a, Turin club hian nizan khan Lazio an hneh a nih chuan an inkar a zau zual ang.

Inkhel dangah Samp­doria chuan Udinese 4-0 in an sawp. Sampdoria striker Fabio Quagliarella chuan Gabriel Batistuta-a record nih rual turin Serie A match 11 chhung chu a zawnin goal a khung tawh. 

Kum 33 mi Quag­liarella hian goal hnih a khung leh tak avangin season kal laiah goal 16 a nei tling ta a, Italy international hlui hi a kum tam deuh tawh mah se tun hnaiah a khel ṭha hle.