A chung berah Mumbai an awm

Indian Super League table chung berah Mumbai City an awm ta. Pathianni zan khan Maharashtra club hian Bengaluru FC chu 1-0 in an hneh a, South Indian club lehpelin table chung ber an luah. 

Mumbai City tan Paulo Machado chuan minute 29-na lekah goal hmahruai a khung a, Bengaluru lamin 65% zet ball chang chungin si phurh sut tum mah se an hlawhtling zo ta lo.

Bengaluru tan Mizo rawlthar Edmund Lalrin­dika chu minute 84-naah luhtir a ni a, Lunglei stri­ker hian Indian Super League match a khelh hmasak ber a ni. 

Nizan khan FC Goa leh Jamshedpur inkhelin he thu buatsaih a nih lai hian result kan hre hman lo a, zaninah inkhel a awm dawn lo.