Andy Murray an zai nawn

Tennis world number 1 hlui Andy Murray chu a khel bawr na zai nawn a ni a, court chhungah engtikah nge a rawn kir leh theih dawn tih erawh a la chiang lo.

Grand Slam vawi thum champion tawh Murray hian Australian Open khelh hma khan major tournament hnuhnung ber a nih mai theih thu a sawi a, season hmasa lamah pawh a buai phah tawhna a hliam hi a la dam fel thei lo a ni.

February thla chhung chu Murray hi a inkhel thei lo leh dawn tih a chiang a, January 25 khan Marseille Open aṭanga a inhnuhdawh thu a lo sawi tawh a ni - season hmasa khan September thla thleng bak a inkhel thei lo tawh bawk.

Kum 31 mi Murray chuan, "Zai ka nih hnu hian ka rawn kir thei dawn em tih a chiang lo, mahse tennis khelh chu ka la duh a ni," a ti. Murray hian tun season bak a khel tawh dawn lo a nih pawhin vawi hnih a champion tawhna Wimbledon-ah tal inlan a duh a ni.