Chhinga Veng leh Chanmarians inhnehtawk

Mahuma Memorial Cricket Tournament-ah Chhinga Veng leh Chanmarians an inhneh­tawk a, nimin khan chak zawk awm loin an inṭhen. 

Suaka Cricket Ground-a inkhelah hian first innings-ah Chan­ma­rians an bat hmasa zawk a, over 68.3-ah run 245 siamin wicket kua an hloh a, an run siam zat hi chak nana tling tawkah ngaiin an duh tawk. 

Mahse, Chanmarians beisei loh a thleng. Chhinga Veng tan K. Van­lal­ruata (124) leh Lalruatdika (118) ten century rawn siamin 3C hian over 90-ah run 382 siama wicket riat hlohin an duhtawk.

Second innings-ah Chan­­marians CC-in over 25 thleng daihin run 61 an siam a, wicket nga an hloh - ni in a daih tawh lo a, team pahnih hi inhnehtawkah puan an ni. First innings-a run siam hnem zawk Chhinga Vengin point thum an nei a, Chanmarians hian point khat chiah an nei.