Augsburg-ah Arsenal keeper hlui

Arsenal goalkeeper hlui Jens Lehmann chuan team enkawl hna a thawk cho dawn a, Bundesliga club FC Augsburg tana tun season tawp thlenga assistant coach ni turin ruat a ni.

Gunners tana match 200 chuang khel thei Lehmann hi Arsene Wenger hun hnuhnungah khan coaching staff zingah a tel hman a, mahse Unai Emery a rawn lan chinah erawh a chhuak.

Kum 49 mi Lehmann chuan, "FC Augsburg hian tun hnaiah nasa takin hma an sawn, inelna hautak tak Bundesliga huanga team enkawl hna thawktu zinga ka tel thei tur hi ka lawm," a ti. Lehmann hian nimin khan team training a zawm tawh a ni.