GSW an chak zawn rei

Golden State Warriors chuan nimin zing khan Indiana Pacers chu 132-100 in an hneh a, Steve Kerr-a naute hian tun hnaiah a zawnin NBA regular match 11 chhung hnehna an chang tawh a, tun season bika chak zawn rei ber an ni mek.

NBA champion lai tan hian point 26 score tu Stephen Curry chu player langsar leh pawimawh a ni. American guard hian chawlhlawk hmain point 26 a neih zinga 23 ngawt a luh hman avangin an team hi dinhmun duhawmah a dinpui a ni.

Warriors coach Steve Kerr chuan, "A nihna tak­ah chuan tlemin kan hlau­thawng ve deuh, a tawpna erawh duhthusama ṭha a ni thung. Match 11 kan kaltluang thei a nih chuan a aia thui zawk kal zel kan tum ang," tiin a sawi.

Tun season chhungin Golden State hian vawi 36 hnehna chnag tawhin ṭum 14 an tlawm tawh thung a, Western Conference table hmahruaitu an ni - Zirtawpni zing dar 9:00 hian Philadelphia 76ers nen an inkhel leh ang.