Everton-in PSG an hnar

Premier League club Everton midfielder Idris­sa Gueye chu Paris St-Germain lamin lakluh tum­in dawr mah se Toffees boss Marco Silva chuan French champion dawrna hi an hnar thu a sawi. 

Kum 29 mi midfielder hian kum 2016 khan Aston Villa aṭangin Everton hi a pan a, Ligue 1 club hian pound maktaduai 21.5 in lakluh tumin an dawr nia tarlan a ni. 

Silva chuan, "Club nen kan inthurual a, PSG min dawrna hi kan hnar a ni. Transfer bazar-a hloh mai atan chuan player uiawm tak a ni a, kan tan a ṭangkai em em a ni," tiin a midfielder hi chhuahtir a tum lo. 

Gueye hian Everton-ah June 2022 thleng khel turin contract a nei mek a, tun season-a league match 23 an khelh aṭangin match 20-ah a inlan.