Delhi khelmuala leng tur Blasters

Indian Super League-a beisei phak lo Kerala Blasters leh Delhi Dynamos chu zanin dar 7:30-ah an inkhel dawn a, team pahnih hi chak mamawh ve ve an ni. 

Delhi Dynamos hian league match 12-ah point sarih chiah la neiin an hnuaiah Chennaiyin FC chiah an awm a, an chung chiaha awm Kerala Blasters hian match khata khel tam chungin Delhi aiin point thumin an sang zawk. 

Norwegian club Viking FK-a trial tura kal mai tur Lallianzuala Chhangte chu Delhi Dynamos-ah hian a awm a, Serchhip striker Daniel Lalhlimpuia chu Delhi club-ah hian a awm bawk. 

Kerala Blasters hian ISL Emerging Player of the League ni lai Lalruatthara an kawl a, FC Goa aṭanga loan hmanga an hawh goalkeeper Lalthuammawia Ralte chuan thlasik transfer laiin South Indian club hi a zawm thar ve bawk.