Mizoram Police-in goal khung hnem

67th BN Mullick Memorial All India Police Football Championship neih mekah Mizoram Police chuan match thum an khelh tawhah hnehna an la chang vek a, goal 33 khung tawhin anmahni lamah a la lut lo.

Nimin tlai khan Malappuram, Kerala-ah Mizoram Police hian Madhya Pradesh chu 10-0 in an sawp a, Thawhlehni zan khan Gujarat 14-0 a an sawp tawh bakah; an match hmasa berah Rajasthan 9-0 in an hneh tawh bawk.

Mizoram Police hi Madhya Pradesh, Assam Rifles, Gujarat leh Rajasthan nen group khatah an awm khawm, an group match hnuhnung ber atan Zirtawpni zan dar 9:00 hian Assam Rifles nen an inkhel leh ang.