Champhai champion Vengthlang

Champhai District FA buatsaih Republic Day Football Tournament chu January 29 khan a hmawr bawkna neih a ni a, Vengthlang FC chuan TMFC Melbuk chu penalty shootout-ah 3-2 a hnehin an champion a, pakhatna hi I Division club atan an tling nghal bawk.

Chhangphut field-a final inkhelah Vengthlang tan Lallawmtluanga goal khung chu Melbuk lamin hun tawp dawnah Ruatbawiha goal hmangin an sut a, extra time khelh zawh hnuah pawh goal dang lut loin 1-1 a an inhnehtawk vangin penalty hmangin chak zawk zawn a ni.

Inelna hi kumtin CDFA-in II Divison tan an buatsaih ṭhin niin, kuminah hian team 15 an inlan - champion te I Division an nih nghal laiin, pahnihna Melbuk hian playoff an khelh a ngai dawn.