Siami'n India tan goal hnih khung

India hmeichhe hockey team zin chhuak mek ten Nilaini zan khan Spain 5-2 in an hneh a, Mizo tleirawl Lalremsiami Hmar chuan goal hnih khungin India chu nuamsa takin hnehna a chanpui.

World Cup pathumna Spain lakah Siami bakah Neha Goyal, Navneet Kaur leh Rani Rampal ten goal khat ṭheuh an khung bawk. An zin chhuahna hmunah hian match nga an khel dawn a, match hmasa berah India hi 3-2 in an chak lo, vawi hnihnaah 1-1 a inhnehtawkin tun ṭumah erawh an chak chiang hle.

Tour a nih avangin inelna ngaihhlut a ni hran lo a, mahse ram pahnih ten an player neih ṭhat chher hriamna hun atan an hman a nih avangin sawi nep theih a ni lo. Nizan khan India leh Spain hian an match lina an khel a, result kan hre hman lo.