Chinese Super League-ah Fellaini a kal dawn

Manchester United midfielder Marouane Fellaini chuan Chinese Super League club Shandong Luneng a zawm dawn a, mimal thilah chuan an inrem fel tawh. 

United lam hian Belgium international chungchanga Chinese club an inrempui leh pui loh an la sawi chiang duh lo a, he thu buatsaih a nih lai hi chuan eng zat chiahin nge Fellaini hi a kal chhuah dawn a hriat loh.

Kum 31 mi Fellaini hi Sir Alex Ferguson-a'n Manchester United a chawlhsan hnua Red Devils-in manto thama player an lakluh hmasak ber a ni a, Everton aṭangin pound maktaduai 27.5-in an lalut. 

Fellaini hian nikum June khan Old Trafford-ah kum hnih dang cham turin contract thar a ziak a, Sir Alex hnua United manager zingah David Moyes, Louis van Gaal leh Jose Mourinho ten regular takin chhawr vek mah se United fans zingah tlak tlum lai a nei lo anga sawi theih a ni.