Djokovic dinhmun a nghet

Tennis ranking chhuak thar berah Novak Djokovic chuan fal takin hma a hruai chhunzawm zel. Serbian tlangval hian amah hnaih bertu Rafael Nadal aiin point 2635 in a hmu hnem zawk a, chawlhkar 236 chhung chu a chung ber dinhmun hi a luah tawh a ni.

Australian Open-ah beisei ang phak lo mah se Alexander Zverev chuan hma sawnin pathumna a ni a, German tlangval hnungah hian Juan Martin del Potro leh Kevin Anderson te awmin; nomawi hlohtu Roger Federer chu paruk-naah a tlahniam.

Hmeichhe lamah Grand Slam vawi hnih champion tawh Naomi Osaka chu a vawi khat nan pakhatna a ni. Japanese nula hian tennis a khelh hun chhungin nomawi pathum chauh la chawi mah se, tun hnai Grand Slam hnuhnung pathum zinga pahnih a la thei a ni.

Number 1 nilai Simona Halep chu Serena Williams hneh loa last 16 a paltlang zawh loh avangin pathumnaah a tlahniam a, Wimbledon vawi hnih champion tawh Petra Kvitova chu pahnihnaah a awm thung.