Stoke pantu Indian thisen kai Danny

Wolverhampton Wanderers centre-back Danny Batth chuan Championship club Stoke City chu pound maktaduai thumin a zawm a, kum thum leh a chanve chhung atan contract a ziak.

Wolves aṭanga inzir chhuak defender hian Mid-dlesbrough tan loan-in a khel mek a, a loan hun a hman zawh hmain Stoke hian an hnena khel turin a nghetin an lalut ta zawk a ni. 

Kum 28 mi defender hi a pa Indian a nih avangin India tana inlan thei dinhmunah a ding a, July 2017 khan India tana inkhelh a duh thu sawiin rei tak chhung inbiakna pawh kalpui hman a ni. 

Mahse, India sorkar hnuaiah dan khauh tak awmin Indian passport nei chauh ram tan hian an inlan thei a, he dan hi thlak danglam a la nih bawk si loh avangin Batth hi India tan a inlan thei dawn rih lo.