Contract pawtsei tur Martial

France forward Anthony Martial nen kum nga leh a chanve chhung atan contract pawtsei turin a club khelhna Manchester United nen an inrem niin khawtlang media te chuan an ziak a, thuthang hi a dik a nih chuan kum 2024 thleng Old Trafford-ah a cham ang.

Kum 23 mi Martial hi tun season tawp ruala contract tawp tura ngaih a ni a, Jose Mourinho-a'n United a enkawl lai khan English club hi chhuahsan tura ngaih a ni. Amaherawhchu manager thar Ole Gunnar Solskjaer hnuiah a che ṭha a, tun season-ah match 25-ah goal 10 khungin a rilru a thlak.