Kohli tel lohna India mualpho

India chuan a zawnin ODI match thumah New Zealand hneh a, amah-erawhchu match linaah Virat Kohli an hahdamtir a, 8 wickets in an chak lo.

Nimin khan Sheddon Park-ah New Zealand-in vawm hmasak an thlang a, India batsman te hi run 92 lek an siam tihin an vawm hlum vek a, run siam tam ber Yuzvendra Chahal pawhin run 18 chiah a siam.

New Zealand-in an target hi wicket hnih hlohin over 14.4 lekah an umpha a, Henry Nicholls chuan thi loin run 30 a vaw chhuak.

ODI match hnuhnung ber hi Pathianni hian Wellington Regional Stadium-ah khelh a ni dawn a, India hian series hi an la tawh a ni.