A chung berah Bengaluru

Nilaini zan ISL-ah Mizo rawlthar K. Lalṭhathanga chu Emerging Player of the match-ah thlan ni mah se Bengaluru FC lakah NorthEast United chu hnehna a chanpui zo lo a, 1-2 in an tlawm.

Bengaluru tan High-landers defender Mislav Komorski chuan an lamah a ti lut a, Federico Gallego hmangin sut leh mah se Chencho Gyeltshen chuan minute 71-naah Bengaluru chakna goal a khung a ni. 

Chencho goal vangin Bengaluru hi table chung berah an awm lehnghal a, inkhelh zawh hnu lawkah Bhutan international hi Neroca lamah loan-a an kaltir thu Blues hian an puang nghal.

Highlanders tan K. Lalṭhathanga bakah Robert Lalthlamuana chuan inkhel bul a ṭan a, Bengaluru tan bench aṭangin Edmund Lalrindika chu luhtir a ni bawk.