Wenger leh Mourinho dahsangtu Fabregas
Spanish midfielder Cesc Fabregas chuan manager a hrawn tawh zingah Arsene Wenger leh Jose Mourinho te chu thawhpui nuam leh a dahsan an nih thu a sawi chhuak.
Gunners captain hlui Fabregas chuan, "Khawvela manager ṭha ber ber kaihhruaina hnuaiah ka khel a, chuvangin ka hun tawnah khan sawisel tur ka nei lo," tiin a sawi.
Fans zawhna chhang zuiin Cesc chuan, "A tha ka tih pahnih chu Wenger leh Mourinho te an ni," a ti zui.
Barcelona academy chhuak Fabregas hian Arsenal, Barcelona leh Chelsea tan a khel a, nomawi a chawi pui vek. Catalan club tana nomawi paruk lak puitu Pep Guardiola chu a dahsan pahnih zingah a telh lo.
AS Monaco tana khel lai Fabregas-a'n a dah san Wenger hi team enkawltu a ni tawh rih lo a, football thuneitu sang FIFA lama an hotu pakhat a ni. Mourinho erawhin Premier League club Tottenham Hotspur a enkawl mek.