Marseille president hlui a thi
Olympique de Marseille president hlui Pape Diouf chu kum 68 mi niin a thi, a thih chhan hi Ligue 1 club-in an tarlan dan chuan Covid-19 vang a ni.
Marseille chuan thuchhuah siamin, "Pape Diouf thihna hi Olympique de Marseille tan chuan chanchin lungchhiat thlak a ni. Engtik lai pawhin Pape hi kan thinlungah a cham reng tawh ang, an chhungkua leh ṭhiante kan tawrhpui takzet," an ti.
Thawhlehni khan Marseille hian an president-in coronavirus a kai thu an sawi tawh a, Senegal khawpui Dakar-ah enkawl niin Nilaini khan a thi zui mai a ni.