Malsawma's Yard, Durtlang Leitanah MFA Futsal Tournament

MFA Season Opening Futsal Tournament chu Malsawma's Yard, Durtlang Leitanah khelh a ni dawn. Entry fee Rs 500 chu August 21-23 inkar hian MFA Office, City Park-ah pek tur a ni ang.

Season Opening Tournament hi ruahmanna hmasaah chuan Lammualah khelh tura tih a ni a, amaherawhchu remchan zawkna avangin futsal ground thar Malsawma's Yard-ah an sawn.

Inelna hi League Club, Division I leh Veteran-ah ṭhenhran a ni a. August 24, Inrinni chawhnu dar 2:00 hian MFA Office, Lammualah Managers Meet neih tur a ni a, club tin aiawh pakhat ṭheuh kal tur a ni.

Managers Meet-ah hian players/Official ID Card sem tur a ni a, pakhat Rs 20 zel tur a ni dawn a, fixture sem nghal a ni bawk ang. 

Inelna neihna hmun tur Malsawma's Yard hi futsal ground thar a ni a, Durtlang Leitan (Agape Camping Centre chhak) ah a awm.