Gurpreet-a'n Arjuna Award a dawng dawn
India international goalkeeper Gurpreet Singh Sandhu chu India rama infiammi chawimawina sang Arjuna Award dawng tura thlan zingah a tel thu Thawhṭanni khan an puang. Cricketer Ravindra Jadeja chu he chawimawina dawng thei player langsar dang zinga mi a ni.
Norwegian club Stabaek Fotball tana a khelh laia Indian player zinga Europa League (qualifier) khel awmchhun record lo siam tawh GSD hi India tan vawi 33 a inlan tawh a, season hmasa khan Bengaluru FC chu Indian Super League-ah a champion pui bawk.
Gurpreet chuan, "Arjuna Award dawng tur zinga telh ka ni hi ka lawm takzet a, kan rama football khel ve te zawng zawng tan he chawimawina hi cho phurtu ni se ka duh takzet a ni," a ti. Kum 27 mi goalkeeper hi Indian footballer zinga Arjuna Award dawng thei 26-na a ni a, goalkeeper zingah Subrata Paul (2016), Brahmanand Sankhwalkar (1997) leh Peter Thangaraj (1967) te hnungzuiin palina a ni thung.
India rama infiammite tana chawimawina sang ber Khel Ratna Award chu Deepa Malik leh Bajrang Punia te hnenah hlan a ni ang. Deepa Malik hi pianphunga rualbanlote tana infiamna khawmpui lian ber Paralympic Games-ah India tana medal hlawh chhuak hmasa ber a ni a, 2016 Summer Paralympics-ah khan 'shot put'-ah silver medal a hlawh chhuak.
Kum 25 mi Bajrang Punia hi wrestler a ni a, Asian Games 2018-ah khan 65kg-ah gold medal a hlawh chhuak. Commonwealth Games (1), Asian Championships (2), Commonwealth Championship (2), Asian Indoor and Martial Arts Games (1)-ah te gold a la tawh a, silver leh bronze engemaw zat a hlawh chhuak tawh bawk.
National Sports Awards 2019 dawng tur zingah hian Mizo pa C. Lalremsanga hming pawh a lang a, thal kah thiam Remsanga hian Dhyan Chand Award a dawng ang.
National Sports Awards 2019
Khel Ratna: Deepa Malik (para-athletics), Bajrang Punia (wrestling)
Arjuna Award: Ravindra Jadeja (cricket), Mohammed Anas Yahiya (athletics), Gurpreet Singh Sandhu (football), Sonia Lather (boxing), Chinglensana Singh Kangujam (hockey), S Bhaskaran (bodybuilding), Ajay Thakur (kabaddi), Anjum Moudgil (shooting), Bhamidipati Sai Praneeth (badminton), Tajinder Pal Singh Toor (athletics), Pramod Bhagat (para sports-badminton), Harmeet Rajul Desai (table tennis), Pooja Dhanda (wrestling), Fouaad Mirza (equestrian), Simran Singh Shergill (polo), Poonam Yadav (cricket), Swapna Burman (athletics), Sundar Singh Gurjar (para sports-athletics) and Gaurav Singh Gill (motorsports).
Dronacharya Award (regular category): Mohinder Singh
Dhillon (athletics), Sandeep
Gupta (table tennis) and
Vimal Kumar (badminton).
Dronacharya Award (lifetime category): Sanjay Bhardwaj (cricket), Rambir Singh Khokar (kabaddi) and Mezban
Patel (hockey).
Dhyan Chand Award:
C Lalremsanga (archery),
Manoj Kumar (wrestling),
Arup Basak (table tennis),
Nitten Kirrtane (tennis) and
Manuel Fredricks (hockey)