Taekwondo referesher course nei

Mizoram Amateur Taekwondo Association buatsaihin 26th Mizoram Taekwondo State Fresher & Referesher Course chu kar hmasa khan MATA Hall Republic Vengthlangah neih a ni.

State Referee Course hi International referee master Joseph Thansanga'n zirtirna a pe a. Theory leh practical a zir a ni. World Taekwondo rule thar ber, team competition kalphung te zir a ni a, poomsae inelna thar free style poomsae buatsaih dan leh a kaihhruai dante zir a ni bawk. 

He hunah hian Mizoram hmun hrang hrang aṭangin black belt, international leh national medalist leh state instructor 42 lai an tel. An zinga mi 32 chuan ṭha takin exam an paltlang. MATA chuan state referee 195 an nei tawh a, national referee 39 leh international referee pathum an nei tawh.