Vanuatu lakah India U19 chak

OFC Developmental Tournament 2019 khela zin chhuak mek India U19 chuan an match hmasa berah Vanuatu chu 1-0 in hneh nghal a, Sumit Rathi chuan he inkhela goal awmchhun hi a khung. 

Blue Tigers rawlthar rual hian vawiinah an match hnihna an khel lehnghal dawn a, chawhma dar 11:15-ah New Caledonia nen an inhmachhawn dawn - https://mycujoo.tv ah live streaming hmangin en theih a ni ang. 

India squad-ah hian Mizo goalkeeper Lalbiakhlua Jongte a awm a, mahse Vanuatu lakah hian a inlan lo. Armed Veng midfielder Lalchhanhima Sailo chu India U19 squad-a awm regular ni mah se a damloh avangin chawlh hahdamna hun pek a ni a, hruai a ni lo.