Aizawl hmaah an tiatpui Delhi

I League inelna neih mekah Mizo club Aizawl FC bukin an awm chho a, champion thei tur an la nih rualin relegate thei an ni bawk. February 14, Pathianni zan dar 7:00 hian Kalyani Stadium-ah Aizawl FC hian Sudeva Delhi an hmachhawn dawn.

Sudeva Delhi leh Aizawl FC te hian match ruk ve ve khel thawin point riat ve ve an hmu a, pasarihna leh pariatnaah an awm mek. Club pahnih hi tun dinhmunah chuan relegation playoff khel tur zingah an awm a, chutihrualin a chak zawk erawh a sang paruk zingah a invawrh chho thei ang.

Delhi-ah Sairuatkima'n tlarhnungah hmun pawimawh a chang a, Lalliansanga Renthlei pawh tlarhnung pui turin midfield-ah dah ṭhin a ni. Mizo tlangval pahnih Sairuata leh Liansanga te telna team hian an match hnuhnung berah Chennai City 4-0 in an sawp a, Sudeva hian an phur vanglai takin Aizawl FC an hmachhawn dawn tihna a ni.

Mizo club erawh an match hnuhnung bera ṭha taka an khel chungin Trau lakah 1-0 in an tlawm. Yan Law hote tan chet ṭhat ringawt a tawk lo a, chak a ṭul. Hemi a nih avang hian Mizo tlangvalten an theihna an phochhuah a ṭul a, tlarhma player MC Malsawmzuala, Ramhlunchhunga leh Brandon VL Remdika ten an pet goal ngam a ngai. Midfield-ah R.

Malsawmtluanga'n a tawnhriat a hman a ṭul a, Alfred Kemah Jaryan-a'n team kulhpui a nihna a pholan a ngai bawk ang.