Hockey India-in nuai 25 an thawh
Hockey India chuan coronavirus hri leng mek do nan cheng nuai 25 an thawh, an pawisa tawh hi PM Cares Fund-ah chhun luh niin a ṭul anga hman zui a ni ang.
HI Executive Board chuan, "Hun harsa kan tawh mekah hian mitin kan ṭanrual a ngai a, khua leh tui ṭha kan nih vek theih nan sorkar thuawih a pawimawh.
"Hockey India chuan ṭanpui ngaite a hmuhhmaih lo a, kan phak ang tawkin midang harsatna tawkte kan ṭanpui ve thin," tiin nimin khan thuchhuah an siam.
India mipa leh hmeichhe hockey team hi Tokyo Olympic 2020 khel turin an in vaw tling ve ve, infiamna khawmpui lian hi kum khatna sawn hlat a nih leh tak avangin inbuatsaihna an nei rei thei dawn.