Bengaluru tan Paartalu a rinawm
Australian midfielder Erik Paartalu chuan duhtu ngah mah se Bengaluru tana khelh chhunzawm zel a thlang a, Blues tan hian kum hnih dang khel turin contract thar a ziak.
Paartalu chuan, "Bengaluru hian tun hnai kum thum chhung khan ka thinlungah hmun pawimawh a chang reng a, he khawpui ka chhuahsan apiang hian ka lung a leng em em zel a ni," tiin a contract pawhsei chhan a sawi.
Melbourne City midfielder hlui chuan sawi chhunzawmin, "Football thlirna aṭang pawhin hmun dangin ka rilru a luah thei lo. Nomawi chawi duha kan tui hal ang hian he rama club dang hi an tui hal ve lo a, ka tan chuan thutlukna awlsam tak a ni," a ti.
Paartalu hian 2017 khan Qatar Stars League club Al Kharaitiyat aṭangin Bengaluru hi a zawm a, a season khatna aṭanga player pawimawh ni nghalin hmun dang a hawi tawh lo.