State Table Tennis Championship Alberto LR Ruata a champion
Mizoram Table Tennis Association buatsaih 4th Mizoram State Table Tennis Championship khelh zawh takah Alberto LR Ruata chu mipa singles huangah a vawi sarih nan a champion.
MTTA Hall, Mission Venga inelna neihah hian Techmaze player Alberto hian final inkhel hmuhnawm takah Sunit Kundu chu 4-1 in a hneh. Youth Boys Singles-ah pawh Alberto hian John Zamliana hnehin a vawi kua nan a champion bawk.
Hmeichhe inelna lamah Moumita Saha chuan amah ang bawka Techmaze player Lalthansangi Sailo hnehin a vawi hnih nan a champion.
A pumpuiah Techmaze team chuan gold medal pali, silver medal pathum leh bronze medal panga lain an chungnung ber. Tournament-ah hian hrileng dona kawnga sorkarin inkaihhruaina a siam chu ṭha taka zawm a ni.
Result Kimchang
Cadet Girls Singles: Lalruattluangi, Mission Vengthlang TTC
Cadet Boys Singles: Kevin VL Fanai, Serchhip District TTA
Sub Junior Girls Singles: Lalrempuii, Serchhip District TTA
Junior Girls Singles: Malsawmtluangi, Synod Hr Sec School TT C
Junior Boys Singles: Thangsiansanga, Techmaze TTC
Youth Girls Singles: Malsawmtluangi, Synod Hr Sec School TTC
Youth Boys Singles: Alberto LR Ruata, Techmaze TTC
Women’s Singles: Moumita Saha, Techmaze TTC
Men’s Singles: Alberto LR Ruata, Techmaze TTC