Usman-a'n welterweight title a hum
Nimin khan UFC Apex, Las Vegas-ah UFC 258 neih a ni a, Kamaru Usman chuan welterweight title hum turin Gilbert Burns a hneh. Kum 33 mi Usman hi fight ṭantirhah a training partner ṭhin Brazilian fighter Burns lakah talbuai deuh mah se a insiamṭha a, round thumnaah TKO hmangin hnehna a chang.
Nigerian fighter Usman hian welterweight-a a fight hmachhawn zawng zawng vawi 13-ah a chak vek a, hemi weight-a chak rei ber record Georges St-Pierre a siam chu a khum. Usman hian fight ṭantirh lamah category dangah inlena hi a hmachhawn a, heng zawng zawng nena belhkhawm hian vawi 17 a chak zawn tawh.
Nigerian nightmare tiha hminglem an pek Usman hian a fight hmasa ber dawttua chak loh bak tlawm a la nei lo a, MMA-a record chu vawi 18 chak leh vawi khat chak lo a ni.
UFC 258 - Main Card
Weight class Chak Chak lo Chak dan Round Time
Welterweight Kamaru Usman (c) def. Gilbert Burns TKO (punches) 3 00:34
Women's Flyweight Alexa Grasso def. Maycee Barber Decision (unanimous) (29-28, 29-28, 29-28) 3 05:00
Middleweight Kelvin Gastelum def. Ian Heinisch Decision (unanimous) (30-27, 29-28, 29-28) 3 05:00
Featherweight Ricky Simon def. Brian Kelleher Decision (unanimous) (30-27, 30-27, 30-27) 3 05:00
Middleweight Julian Marquez def. Maki Pitolo Submission (anaconda choke) 3 04:17