Lara-a'n Warrington a barakhaih

Mexican boxer Mauricio Lara chuan Inrinni khan Wembley Arena-ah khawtual boxer Josh Warrington chu TKO hmangin a hneh. Leeds Warrior tiha hming lem an pek Warrington hi vawi 30 a inhnek tawha a tlawm hmasa ber a ni.

Featherweight category-ah kum 30 mi Warrington hi tun dinhmuna ṭha ber anga sawi a ni a, Lara erawh boxing khawvelah hriat a hlawh tawk lo. Pawisa thapna lamah pawh Warrington chak tura odd an dah hi 1/25 a ni pha hial. 

Amaherawhchu Warrington-a'n bul a ṭan ṭha lo a, ṭum dang aiin an insiamrem har. Round linaah Lara-a'n chiang zetin a hnek thlu a, hemi hnu hian English boxer Warrington hian ngai a awh tawh lo. TKO hmangin Mexican boxer hian hnehna a chang.

IBF world featherweight champion hlui Warrington tan tun ṭum hi thla 16 hnua a fight leh hmasa ber a ni. Title dang chuh a tum avangin Warrington hian kumin January thla khan IBF world featherweight champion nihna hi a kalsan a, chuvangin tun ṭumah hian title inchuh a awm lo.