Benzema'n Ronaldo a ngaisang
French striker Karim Benzema chuan social media lama Brazil legend Ronaldo nen an inkawmnaah Real MadridFrench striker Karim Benzema chuan social media lama Brazil legend Ronaldo nen an inkawmnaah Real Madrid tana lo khel tawh ṭhin striker hi a ngaihsan thu a hrilh.
Benzema chuan, "Ka fan-te nen inbiakna hun kan hmang mek a, Television-a i inkhel ka hmuh aṭang khan football luhchilh duhna thinlung ka neih thu ka lo hrilh," a ti.
Real Madrid striker chuan sawi zawmin, "Ṭhenkhat chuan Zinedine Zidane tiin an sawi a, mahse keichuan nangmah hi football ka hmangaih chhan a nih thu ka lo sawi a ni," tiin Brazilian legend chu a dah sang hle.
World Cup-a vawi hnih champion thei Ronaldo hian Benzema chu striker ṭha tak a nih thu a hrilh ve bawk a, hetihrual hian a club Real Valladolid laka Benzema goal khung chuan a tih lawm loh thu fiamthuin a sawi bawk.
FIFA World Player of the Year vawi thum ni thei Ronaldo hi Valladolid-ah hian President a ni mek a, La Liga club-ah hian share ngah ber niin 51% a nei.
Hliamin ti buai lo se khawvela footballer ropui ber ni tur hiala mi tam takin an ngaih Ronaldo hian September 2018 khan a share hi a lei a ni.