Bayern-in Upamecano lalut dawn

Bayern Munich sporting director Hasan Salihamidzic chuan nipui transfer-a lakluh turin RB Leipzig defender Dayot Upamecano nen inremna an neih tawh thu German chanchinbu Bild a hrilh.

Salihamidzic chuan, "A chiang ta, kan lawm takzet," tiin a sawi. Bavarians hian Upamecano hi a release clause euro maktaduai 42.5-in an la chhuak ang. Liverpool, Chelsea leh Manchester United nen te pawha an sawi zawm Upamecano phut ang hi Bayern hian pek an remtih avangin kum 22 mi French defender hian German hi a pan dawn niin an sawi.

Hansi Flick-a enkawl Bayern hian nomawi chawi theih zawng zawng an chawi vek a, amaherawhchu an tlarhnung a phui ṭhat tawk loh avangin Dayot Upamecano an lalut thei tur hi chanchin lawmawm a ni ang. FIFA Club World Cup-a nomawi chawi zo hlim Bayern hian zanin dar 1:00 hian Bundesliga-ah Arminia Bielefeld an mikhual ang.