Dortmund an chak zo lo

Borussia Dortmund tan Jadon Sancho leh Erling Braut Haaland ten goal khung mah se an chak zo lo a, Inrinni zan khan Hoffenheim nen 2-2 in an inhnehtawk.

Signal Iduna Park-a inkhelah Sancho hmangin Dortmund-in minute 24-naah hma an hruai a, amaherawhchu Hoffenheim-in Munas Dabbur leh Ihlas Bebou hmangin an lehthal.

Dortmund tana Haaland-a goal khung hmasa pahnih chu offside vangin pawmsak a ni lo, amaherawhchu minute 81-naah Norwegian striker a vannei. Haaland hian Hoffeheim defender-te tihsual nangchingin siphurh a sut.

Inkhel dangah Stuttgart leh Hertha BSC te 1-1 in an inhnehtawk a, Hertha Berlin tana goal khungtu Luca Netz chuan Bundesliga-a goal khung naupang ber record a siam.

Kum 17 leh ni 274 mi Netz hi Hertha Berlin aṭanga inzir chhuak a ni a, Germany U15 leh U17 tan a khel tawh a ni.