State huap taekwondo instructor seminar zo
Mizoram Amateur Taekwondo Association buatsaih, ni hnih awh State Level Taekwondo Instructor Seminar vawi 15-na chu MATA Hall, Republic Vengthlangah Inrinni khan zawhfel a ni.
Taekwondo seminar-ah hian Aizawl bakah - Serchhip, Lunglei leh Mamit district aṭangin instructor 58 an tel a.
Subject hrang hrang training plan siam dan, sports psychology, taekwondo history, poomsae leh infiamna thar speed kicking inel dan te leh sports academy chung changte an zir.
Seminar zawha instructor tling tura written test paltlangte hnenah certificate hlan an niin, a ti ṭha zual panga hnenah certificate leh T-Shirt pek an ni bawk.
A ti ṭha zual (Top 5)
1 Ruthi Lalneihhlui Lunglei District Taekwondo Association
2 ZH. Lalramthansanga Republic VT Taekwondo Club
3 Lalthlamuanpuia Republic VT Taekwondo Club
4 Vanlaldinpuia Armed Veng South Taekwondo Club
5 Vanlalhruaimawia SYS Taekwondo Academy