MFA Futsal Tournament Entry Fee a pek theih ta
MFA Season Opening Futsal Tournament chu Malsawma's Yard, Durtlang Leitanah khelh a ni dawn. Nimin aṭang khan MFA Office, City Park-ah entry fee Rs 500 pek theih a ni a, August 23 (tlai dar 3:00) thleng a pek theih ang.
Lammual-a khelh tura tih a ni zet a, rem-chan zawkna avangin futsal ground thar Malsawma's Yard-ah an sawn.
August 24, Inrinni chawhnu dar 2:00 hian MFA Office, Lammualah Managers Meet neih tur a ni a, club tin aiawh pakhat ṭheuh kal tur a ni a; players/official ID Card sem nghal tur a ni a, fixture sem nghal a ni bawk ang. League Club, Division I leh Veteran inelna a a awm dawn a, veteran hi kum 40 chung lam (1979-a piang chin) a duh apiang tan team siam theih a ni.
MFA chuan season tluanin futsal inelna hrang hrang a kalpui ṭhin a, kuminah pawh tournament dang a la buatsaih dawn bakah kum tharah MFA Futsal League a siam leh dawn a, Inter Village Futsal kalpui turin ruahmanna a siam bawk.
Lawmman
League Club Tournament
Champion Rs 20,000 + Trophy
Runners Up Rs 10,000
Semi-Finalist Rs 4,000
Division 1 Tournament
Champion Rs 15,000 + Trophy
Runners Up Rs 8,000
Semi-Finalist Rs 3,000
Veteran Tournament
Champion Rs 10,000 + Trophy
Runners Up Rs 5,000