East Bengal an tla!

I League club East Bengal-in an player neih ṭhat ber nen Durand Cup hmachhawn mah se final an lut zo lo a, hun pangngaiah Gokulam Kerala nen 1-1 a an inhnehtawk hnuin penalty-ah 3-2 in an tlawm. 

East Bengal hian Samad Mallick hmangin hmahruaina goal khung mah se injury time-ah Marcus Joseph chuan si phurh sutna goal a rawn khung a, extra time khelh zui a ni. I League club pahnihin goal an khung tawh lo a, penalty hmanga chak zawk zawn a nih hnuah Kerala club an vannei - East Bengal tan hian captain Lalrindika Ralte chuan a pet goal lo a, Chhinga Veng aṭanga Kerala pantu Lalromawia chuan Gokulam tan a khung thung. 

Nizan khan semifinal hnuhnung zawkah Mohun Bagan leh Real Kashmir an inkhel a, he thu buatsaih lai hian result kan hre hman lo.