Junior Agogo a thi

Ghana, Nottingham Forest leh Bristol Rovers striker hlui Junior Agogo chu kum 40 mi niin a thi a, Agogo hian kum 2015 khan stroke a nei tih hmuhchhuah a ni. 

Agogo hian 1997 khan Sheffield Wednesday aṭangin a career a ṭan a, Ghana tan match 27-a khelhah goal 12 a khungsak. Kum 2012 khan inkhelh a chawlhsan a, Scottish club Hibernian-ah a career tawp hi a hmang. United States, Cyprus leh Egypt-ah te club hrang hrang tan a khel hman a, 2008 Africa Cup of Nations kha Ghana mipuiin an theihnghilh theih lohna a ni. 

Agogo hian he inkhelah hian goal thum a khung a, quarterfinal-a hun tawp dawna Nigeria laka a goal khung chuan tun thlengin sawi a la hlawh. Ghana tana a khelhpui ṭhin Laryea Kingston chuan, "Kha goal kha Ghana-a mi hriat a hlawh ṭanna chiah a ni," tiin a sawi.