MBBA buatsaih 11th Inter School Basketball

24th August, 2019

MBBA buatsaih 11th Inter School Basketball Tournament chu September 10 hian ṭan a ni dawn a, August 26-31 chhungin entry fee a pek theih.

Boys category hi pathum - middle, high leh higher secondary school-a ṭhendarh a ni a, girls category erawh open a ni thung dawn.

Entry fee hi team khatah Rs 500 zel a ni a; Samsung Plaza (Sikulpuikawn), RK Store (Bara Bazar) leh ZM Electricals (Ramhlun North) ah te pek theih a ni.

Inelna hi Hawla Indoor Stadium, Republic Vengthlangah khelh a ni dawn a; 9774633415 leh 8974007486-ah zawhfiah theih a ni ang.