Mizoram Inter School Taekwondo Championship

Mizoram Inter School Taekwondo Championship chu August ni 24, Inrinni khan Electric Veng YMA Hall-ah neih ṭan a ni a, primary school lamin inlena an nei hmasa. August 31-ah middle school ten an khel leh ang a, September 7 hian high school in an khel ve thung ang.

Inter School Taekwondo championship vawi 4 naah hian school 40 chuang aṭangin player 710 an tel a. Primary school 286, middle school zirlai 252 leh high school naupang 172 an tel.

He championship a gold medalist aṭang hian National School Games khel thei tur thlan an ni dawn. Mizoram hi National School Games-ah ṭum 6 tel tawhin silver medal pali leh bronze medal 10 a la tawh a ni.