Torres kan hmu dawn ta lo

Sagan Tosu striker Fernando Torres chuan inkhelh a chawlhsan tur thu a puan hnua a professional match hnuhnung ber chu Zirtawpni zan khan a khel a, Spain tana a khelhpui ṭhin Andres Iniesta leh David Villa khelhna Vissel Kobe chu J League-ah 6-1 in an ngam lo. 

June khan Torres hian inkhelh a chawlhsan tur thu a lo puang tawh a, hetihlai hian, "Ka ṭhianṭha Iniesta leh Spanish football history-a hun ropui ber pawl ka tawnpui Villa te kianga inkhelh ka chawlhsan tur hi ka beisei ngam loh a ni," tiin a lo sawi tawh. 

Iniesta pawhin a ṭhianpa hi thlahin, "Kum 20 liam taah khan football chuan min inhmelhriattir a, kan tan chuan El Nino i ni reng dawn," a ti a, Japan ram daiha an inmangṭha chu "thil mawi mak danglam" tiin a sawi bawk.