Ghostbusters: Afterlife leh Morbius tlangzarh hun sawn hla

Coronavirus-in film industry-ah nghawng a nei lian zel a, tun nipuia tlangzarh tur film eng emaw zat sawn hlat a nih thu tarlan ni leh tawhin chung zingah chuan Ghostbusters: Afterlife leh Morbius te pawh an tel.

Bill Murray, Ernie Hudson, Sigourney Weaver, leh Annie Potts-te channa 'Ghostbusters: Afterlife' chu July 10-a tlangzarh turin ruahmanna siam vek tawh ni mah se, nakkum March 5-ah an tlangzarh dawn ta a ni.

Kumin chhunga film chhuak tur zinga nghahhlelhawm ber pawl, Jared Leto channa 'Morbius' pawh July 31-a tlangzarh tura tih chu nakkum March 19-a tlangzarh turin an sawn hla ve bawk.

Tom Hanks inlanna tur Greyhound pawh July 12-ah tlangzarh tum mah se an tikhawtlai ve bawk a, tlangzarh hun tur erawh an la tarlang lo. 

Uncharted, Fatherhood-te pawh nakkum lama tlangzarh tura sawn hlat zingah an tel.